BITARTEAK NOTA ALTERATUEN ARTEAN

Abenduan barneratutako gaien errepasoa egingo dugunez, Bitarteekin lotutako beste ariketa bat sortu dut. Oraingoan nota alteratuen arteko bitarteak identifikatu beharko dituzue. Gaia gogoraztearren, Bitartea, nota batetik bestera dagoen distantziari deritzogu. Distantzia horietan dauden tonuerdi eta tonuen arabera, distantzia handiagoa edo txikiagoa izango da. Nota naturalen artean distantzia edo bitarte horiek nolakoak diren ikasi dugu. Gogoratzen?

• 2-3 dunak: MAIOR ETA MINORRAK ( tonuerdia izan ezkero minorrak)
• 4dunak: JUSTUAK , bat izan ezik, FA-SI distantzia 4+ izango da, tonuerdi bat gehiago duelako.
• 5dunak: JUSTUAK, bat izan ezik, SI-FA distantzia 5- izango da, tonuerdi bat gutxiago duelako.
• 6-7dunak: MAIOR ETA MINORRAK (Maiorretan tonuerdi bat egongo da, Minorretan bi tonuerdi)
• 8dunak: DENAK JUSTUAK

Alterazioek bitarte horietan izango duten efektuaren arabera, distantzia handitu edo txikitu egingo da. Horrela, gogoratu BEMOLAK (b) notari tonuerdia kentzen diola eta SOSTENITUAK (#) tonuerdia gehitu. Alterazio hauek lehenengo notan edo bigarrenean egotearen arabera, distantzia handitu edo txikitu egingo da.

TONUERDIAK, UNISONOA ETA ENARMONIAK II

Tonuerdiak, Unisonoa eta Enarmoniak lantzeko beste ariketatxo bat. Gaia barneratzeko material aproposa!

QUIZ: TONUERDIAK, ENARMONIAK ETA UNISONOA

Tonuerdi ezberdinak identifikatzeko, baita ere Enarmoniak eta Unisonoak ezberdintzeko, genially hau sortu dut, bereziki nire ikasleek praktikatu ahal izateko.

TONALITATEAK: ARMADURAN SOSTENITUAK BAKARRIK

 Tonalitateak lantzeko QUIZ bat,  armaduran sostenituak bakarrik ditugunean. Zenbat aterako dituzu?

EMAKUME MUSIKAGILEAK MUSIKA KLASIKOAN

 MARTXOAK 8. GORA EMAKUMEEN BORROKA!

Aurten Musika Klasikoaren historian ahaztuak izan diren emakume musikagileak aurkeztu nahi dizkizuet. Ezagutzen dituzue?

LOR KATTAGORRIAREN MUSIKA BIDEA

 HIZKUNTZA 1 taldekoekin gaurko klasea online egingo dut, eta horretarako jolas txiki hau prestatu dut. Lor kattagorria da protagonista eta Musikaren bidea jarraituz ezkurrez beteta dagoen kutxa zabaltzea lortu behar du. Horretarako gure musika ikasleek lagundu egin beharko diote.

INCREDIBOX ekin ERRITMOAK SORZEN

 Erritmo ezberdinak sortzeko erabiltzen den aplikazio hau ez baduzue oraindik ezagutzen, probatzera animatzen zaituztet. Oso dibertigarria da eta gainera sortutako erritmoak elkarbanatu eta bidali daitezke. INCREDIBOX online erabiltzen da eta ez duzu zertan erregistratu behar.Aplikazio honekin soinu eta efektu bokal ezberdinak sortu daitezke. Gainera abestiak grabatzeko aukera ere ematen du eta URL bat sortzen duenez online elkarbanatu daitezke. Animatu eta bidali zuen sorkuntza musikalak!!

https://www.incredibox.com//#/application

Nik egin dut nirea, zer iruditzen?

incredibox.com/mix/a039702bc66d6a1f2415-v4