2013(e)ko ekainaren 30(a), igandea
PENTAGRAMA ENEA 1
Antton Jauregi eta Karmele Mugikak sortu zuten nota musikalak era ludiko, aktibo eta erakargarri batn bidez ikasteko ipuin zoragarri hau. Haurrek musika lengoaia ikasten hasteko oso aproposa da, noten izenak ikasten doazen bitartean, abestitxoak eta dantzak ere ikasiko dituzte. Nire ustez 5-6 eta 6-7 urteko haurrei zuzenduta dago, nahiz eta 4-5 urtekoekin lantzea posible den arren. Luzea denez, saio bat baino gehiago erabili behar dira nota guztiak ikusteko. Hona hemen lehenengo zatia, bertan Sol ikurra, Sol nota (Solferino alkatea)eta Mi nota (Mikel Milani)azalduko dira.
2013(e)ko ekainaren 20(a), osteguna
Nights in White Satin
Nire ikasleen interpretazioak azalduko dira blog honetan. Hasteko, Sara Alonsok THE MOODY BLUES-en "Nights in White Satin" klasikoa joko digu.
Oso ondo Sara!! Jarraitu hórrela!!
2013(e)ko ekainaren 19(a), asteazkena
EL SITIO DE MI RECREO
Gaur Youtubera nire lehenengo bideoa igo dut eta hemen uzten dizuet. Antonio Vegaren El sitio de mi recreo abestiaren bertsioa pianorako da. Ea gustatzen zaizuen!
2013(e)ko ekainaren 17(a), astelehena
2013(e)ko ekainaren 15(a), larunbata
2013(e)ko ekainaren 11(a), asteartea
BIXENTE GOIKOETXEA
 |
| BIXENTE GOIKOETXEA |
Aramaion jaio zen 1854ko Apirilaren 5ean. Florentino Ugarte eta Benigno Aristegi, herriko organulariak, izan ziren bere lehen musika maisuak. Gasteizen batxilergo ikasketak egiten ari zela herrira bueltatzerakoan Sabas Amilbururekin BACH-en musika azteru eta landuko du. Arratsaldetan bere aitak ur hartzaileentzat zuen ostatuan pianoa jotzen du eta herriko musika maisuari abestaldea zuzentzen lagunduko dio.
Aita hil zitzaionean eta 34 urte zituela Valladolidera joko du apaiz ikasketak egitera. Apaizgai zela eta Tolosan Gorriti-rengatik eskolak hartu ondoren Valladolideko Katedralean irabazi zuen kapera-maisu lanpostua. Apaiztu ondoren hiri honetan emango ditu bere urteak eliz musika gaurkotzeko lanetan.
Goikoetxea izan zen XIX.mendean eliz musikaren berreskuratzaile nagusia. Obra asko konposatu zuen, denak religioso arloan sortuak. Bi euskal musikari, Bixente Goikoetxea eta Nemesio Otano, izango dira Espainiako eliz musikaren eragileak.
Benetan emankorra izan zen Goikoetxeak polifonía arloan burutu zuen eliz kutsuko musika-lana: "Missa in honorem Inmaculatae Conceptionis B.M.V.", "Christus Factus", "Ave Maria", "Salve", "Benedictus" eta beste zenbait meza eta motete.
Bixente 1916ko apirilaren 9an hil zen Valladoliden 62 urte zituela. Urte berean, urrian, Aramaioko udaletxeak eta Gasteizko apezpikuak omenaldia eskaini zioten eta bere jaiotetxean plaka bat jarri zuten idazpuru honekin:
"ementxe jaio zan jaun
argitsu elizmusikari bikain eta
elizgizon bioztsu
VIZENTE GOIKOETXEA ERRASTI
beronen adieslen gorespena.
Aramaion 1916ko urriaren 22an"
Atzera begirada bat
Aramaiok beti izan du musikarekin lotura handia, betidanik egon da herrian musika ikasteko nahia. Biztanlez herri txiki honek, eman ditu musikari ospetsuak. Nahiz eta garrantzitsuena Bixente Goikoetxea izan den baditugu, besteak veste, Sabin Salaberri Gasteizko "Jesús Guridi" Musika eskolan zuzendaria izandakoa eta Rafael Mendialdua Gasteizko Katedraleko musika-kaperako maisua eta apaiztegiko musika-arduradun ohia. Aipatu beharra dugu ere herriko abesbatza, zeinek Euskal Herriko toki askotan, Bixente Goikoetxea eta Sabin Salaberri-ren lanak jakitera ematen ari den. Ezin ahaztu ere ez, hain gertutik ukitzen nauen organujolea Floren Unzueta (osaba daukat), gaur egun Gasteizeko katedraleko organujole nagusia dena.
2013(e)ko ekainaren 9(a), igandea
AURKEZPENA
2013-2014 ikasturtean Aramaioko haur eta gazteei musika ikasketak ematea suertatu zait. Manex eta biok ibiliko gara Piano, Gitarra eta Musika hizkuntza ematen eta gure helburua, guztiok musikaz gozatzea izango da. Ea denon artean zerbait polita sortzen dugun!!
Blog honetan gure lana, gure herriko kultur eta musika ekimenen informazioa, musika baliabideak eta ikasleen ekarpen eta aurrerapenak azalduko dira.
Aurrera orduan eta LANERA!!!!
Blog honetan gure lana, gure herriko kultur eta musika ekimenen informazioa, musika baliabideak eta ikasleen ekarpen eta aurrerapenak azalduko dira.
Aurrera orduan eta LANERA!!!!
Harpidetu honetara:
Mezuak (Atom)