EUSKARAZKO ABESTI ETA JOLASAK TXIKIENTZAT

Musika eta euskara blogean aurkitu dut wix hau, euskarazko jolas eta kantuekin osatuta. Asko gustatu zait eta nire blogean jartzea pentsatu dut. Haur Hezkuntzako haurrei zuzenduta dauden jolasak dira, eta garrantzitsuena, euskaraz direla!!! Ikasi eta disfrutatu zuen haurrekin!

EUSKARAZKO JOLAS ETA ABESTIAK

LA TABERNERA DEL PUERTO BIDEOAK

Zarzuelan parte hartu zutenen aramaixoarren bideoak igoko ditut.

Lehenengo bideoko eszena: Herriko emakumeek Marolari beraien gizonak aztoratzen dituela leporatzen diote.



Eszena: Herriko gizonek Marolari abesten diote.



Eszena: Marola eta Leandro herrira bueltatzen dira bizirik eta Juan de Egiak konfesatzen du. Guardiak Juan de Egia  gartzelaratzen dute.



Aktoreen agurrak eta txalo zaparradak. Momentu hunkigarriak.



Zorionak parte hartzaile guztientzat, lan bikaina benetan!

LA TABERNERA DEL PUERTO

2013ko Azaroaren 23, 24, 29 eta 30ean Izaskun Murgia elkarte lirikoak “La tabernera del Puerto” zarzuela eskaini zuen Arrasateko Amaia antzokian. Hiru ataldun zarzuela, Pablo Sorozabal autorearen musikarekin eta libretoa Federico  Romero eta Guillermo Fernández Shaw-ena.  1936ko Apirilak 6an estreinatu zen Bartzelonako Tivoli Antzokian.

AUTOREA

Pablo Sorozabal Mariezkurrena langile-familia euskaldun batean jaio zen 1897.urteko Urriaren 18an. Euskalerriaren Adiskideen Elkarteari esker, Pablok doan ikasi zuen solfeoa, baita instrumentu batzuk jotzen ere. Donostian egin zituen biolin eta piano ikasketak Alfredo Larrocha eta Manuel Cendoyarekin. Gaztaroan, kafetegiz kafetegi eta kabaretez kabaret ibili zen biolina jotzen, bizimodua ateratzeko.

Musika sinfonikoa landu bazuen ere, zarzuelek eman zioten ospea. Nortasun sendoko gizona zen,  eta aurka egin zion beti garai hartan musikak eta musika irakaskuntzak bizi zuen egoera kaskarrari.

Zarzuela aipagarrienak: Katiuska (1931); El adiós a la bohemia (1933), Pío Baroja handiaren libretoarekin; La del manojo de rosas (1934); La tabernera del Puerto (1936).

1988ko Abenduaren 26an hil zen Madrilen, eta bere heriotzarekin zarzuelaren sormen ibilbidea bukatu zela esaten dute askok.

ARGUMENTUA

Estreinaldia izan zen garaian bertan (1936) Kantauri itsasoko kostaldean, Cantabreda izenezko, ustezko herrian, gertatzen den istorioa da.

Inork ez daki nor den portuko taberna duen Marola, bakarrik, bere senartzat duten Juan de Egia, gaizkileak, tabernaren kostua bere gain hartu duela; besterik ez.

Simpson marinela Leandrok Marolagatik sentitzen duen maitasunaz mintzo da. Marola eta Leandro maitemindu egiten dira. Abel, soinujole nerabeak ere Marola maite du.

Herriko emakume talde batek, Marolari, gizon guztiak aztoratzen dituela aurpegiratzen dio; baina berak, bere burua defendatzeko, senarrei jaramonik egiteaz salatzen ditu. Juan de Egiak jo egiten du Abelen ezintasunaren aurrean.

Hurrengo egunean Abelek gertatutakoaren berri ematen du eta guztiek Juan aurkitu nahi dute azalpenak eskatzeko. Juanek Leandrori Marola alaba duela aitortzen dio, hori dela eta Leandrok Marolari berarekin ihes egiteko eskatuko dio.

Juan de Egiak, Leandrori, kokaina fardel bat hirian sartzearen truke Marolarekin ezkontzeko baietza emango diola agintzen dio. Leandrok onartu eta bere maitalearen laguntzarekin, biak elkarrekin, kokaina fardela dagoen kobazulorantz joango dira txalupatxo batean; baina ezusteko ekaitzak harrapatu eta desagertu egiten dira.

Abelek desagertutako Marolari kantatzen dio eta lur-jota dagoen Juanek, guztien aurrean, Marola bere alaba dela aitortzen du. Simpson marinelak berri ona ekarriko du: Marola eta Leandro bizirik daudela eta mikeleteek atxilotuta porturantz doazela. Juanek, errudun bakarra bera dela aitortzen du eta atxilotu egiten dute Marola eta Leandro aske geratzen direlarik.

AKTOREEN ZERRENDA

MAROLA ....................  CRISTINA CUBILLO

JUAN DE EGUIA ...................  IGOR GAMBOA

LEANDRO .................  LANDER OIANGUREN

SIMPSON ...................... J.R.MENDIZABAL

ABEL .............................  NAROA ELORTZA

RIPALDA ....................... MIKEL IZURRATEGI

ANTIGUA ....................... MERTXE SALABERRI

CHINCORRO ...................  JOSETXO URRUTIA

VERDIER ................  LUIS OKINA

“IZASKUN MURGIA” ELKARTEKO ABESBATZA ................  Bertan hiru Aramaioar: Belen Agirre, Maria Izaga eta Bittor Kortabarria.

ARRASATE MUSIKALEKO ORKESTRA ...................  Bertan bi Aramaioar: Nerea  Uriarte eta Sara del Campo.

ZUZENDARIA .................. IKER OLAZABAL

ESKENA ZUZENDARIA .................. JAVIER BURGOS

ELKARTEKO ZUZENDARIA ............................  TERE GONZALEZ

 

GABON KANTEN TOPAKETA 2013

Aurtengo Gabon kanten topaketa Legution izan da eta parte hartu duten herriak Arrasate, Aramaio, Legutio eta Otxandio izan dira. Legutioko elizan izan zen emanaldia eta peto peto eginda zegoela esan beharra daukat. Lehenengo aldia izan da niretzat aurtengo topaketa eta ez nekien oso ongi nola zihoan, horregatik elizara sartu eta horrelako jendetza ikusi nuenean apur bat izutu nintzen! Eskerrak abeslariek emandako  konfidantzagatik bestela...

Lehenengo Legutiokoak irten ziren abestera; bi taldetan irten ziren, haurrak eta gurasoak alde batetik eta helduak bestetik. Lehenengoak asko gustatu zitzaizkidan, oso abesti politak eskeini zituzten, niretzat ezezagunak zirenak gainera. Gero helduen txanda izan zen eta nire ustez ez zuten errepertorio egokia aukeratu, nahiz eta oso ongi abestu ez zuten publikoa entretenitu.

Hurrengokoak Aramaioarrak izan giñen, herriko jendea, abesbatzako haurrak eta gurasoak. Oso lan polita egin genuela pentsatzen dut, ensaio bakar bat egin genuela kontutan harturik. Hiru abesti kantatu genituen: Dringilin dron, Ai hau gabaren eta Agilando. Herriko gabon kantak, hain zuzen ere topaketa hauen helburua herri bakoitzeko gabon kantak errekuperatzea da eta. Niretzat abesbatza batek trasmititu behar duen garrantzitsuena trasmititu genuen: poza eta kantatzeko gogoa!
Mila esker etorri zineten guztioi: haur, guraso, familia, herritarrak... zuen inplikazioa beharrezkoa da gauza hauek aurrera eramateko eta hor zaudetela argi utzi duzue!

Arrasateko Portaloi taldea izan zen hurrengoa eta hauek kantuan denbora daramatela erakutsi zuten; abesti egokiak aukeratu zituzten eta oso ondo kantatuak gainera. Zorionak!

Bukatzeko Otxandiokoak taularatu ziren, errepertorio luze bat eskeini zuten baina oso landua, txistu, akordeoi eta guzti.

Esandakoa!!
MILA ESKER ETORTZEAGATIK ETA HURRENGO URTE ARTE!!!

GABON KANTAK

Gabonak direla eta Olentzerori ongi etorria emateko kantatuko ditugun abestien wix bat egin dut. Bertan abestien letrak, batzuen partiturak eta bideoak aurkituko dituzue. Bideo batzuekin arazoak izan ditut eta ezin izan ditut itsatsi. Denok abestera!!!!

GABONETAKO KANTAK

PAPARGORRI ABESBATZAREN ABESTIAK

Link honetan aurkituko dituzue hiru hilabete hauetan landu ditugun abestien partiturak, letrak eta bideoak. Ea zuen gustukoak diren!!!

Papargorri abesbatzaren kantuak

OIHANEKO LIBURUA

Atzoko zine emanaldian "El libro de la selva" pelikula ikusteko aukera izan genuen. Lehenengo aldiz ikusi nuenean ikaragarri gustatu zitzaidan eta atzokoan ere, gustura gustura egon nintzen pelikula ikusten. Istorio hunkigarria kontatzen du, baina politena pelikularen musika da niretzat. Abestien txanda zenean hankak ezin geldirik mantendu!! Gogoratzen......

ARAMAIXOKO TRIKITIXA ESKOLAREN EMANALDIA (3)

Trikitixa eskolakoek eman zuten kontzertuaren bideoekin amaitzeko, hona hemen azkenak!

Lehenengo bideo honetan hasi berriak agertzen dira Egun da Santimamiña abesti herrikoia jotzen eta abesten. Artisten izenak: Uxue, Ane, Alaitz, Ainhoa, Goiuri, Oihana, Irati, Irati eta Leire.



Bukatzeko, Sara, Idoia, Irati, Amaia eta Leirek Mikel Urdangarinen Badira Hiru Aste abesten dute:

UDAZKENA: IPUINA

Beste blog batzuetan material berria bilatzen nenbilela, bideo polit hau ikusi dut; txirulaz blogean aurkitu dut eta asko gustatu zaidanez, nire blogean jartzea pentsatu dut. Ea gustatzen zaizuen!

Udazkena-ipuina from sasola on Vimeo.

ARAMAIXOKO TRIKITIXA ESKOLAKOEN EMANALDIA 2013 (2)

Jarraitzen dut 2013ko Azaroak 15ean Aramaixoko trikitixa eskolakoen emanaldiaren bideoak blogean jartzen. Lehenengo bideo honetan Irati, Maider eta Leirek Mikel Laboaren Kopla zaharrak interpretatzen:



Hurrengoan Polka bat jotzen dute lau neskato hauek: Irati, Goiuri, Uxue eta Ane:



Gaurkoz bukatzeko, Vendetaren Udarako gau luzeak interpretatzen Sara, Idoia, Leire eta Amaia:

ARAMAIXOKO TRIKITIXA ESKOLAKOEN EMANALDIA 2013

Azaroak 15ean, Aramaixoko trikitixa eskolakoen kontzertuaz disfrutatzeko aukera izan genuen herrian. Emanaldi berezia izan zen, antzoki baten jotzen zuten lehenengo aldia zelako. Beti izan ditugu trikitilariak kalean, jaiak girotzen eta herria musikaz betetzen. Baina oraingoan gauza ezberdin bat egitea pentsatu zuten. Oso ideia ona benetan!!
Emanaldi polita eskaini zuten haur eta gazteek, trikitixaz gain gitarra eta ahots politak entzun ziren eta aukeratutako abestiak oso aproposak izan ziren.
Blog honetara igoko ditut emanaldi horren bideoak, talde guztien emanaldiak ditut grabatuta eta joango naiz poliki poliki guztionak igotzen.
Momentuz, hona hemen Amaia, Sara, Idoia eta Leirek Deskontrol talde arrasatearraren abesti baten bertsioa egiten eta.....Ikusi bideoa!!



Eta guztiok batera bukaeran eskeinitako abestia:

ETORRIKO DIRA

Manolo Garcia-ren abesti honek hunkitu egiten nau; melodia, kantatzeko modua eta letra, bereziki lehenengo estrofakoa.
Nire inguruan momentu txarrak pasatzen ari direnetaz gogoratzen naiz beti, itxaropen hitzak dira niretzako eta Manoloren hitzak:
"Vendrán días en que el peso que hoy te abruma se hará liviano,
vendrán días, han de venir!!!!"
Noski etorriko direla!
Bihotzez besarkada handi bat eta munduko animo guztiak.

AZARO MUSIKALA IBAI-ARTEren ESKUTIK

Larunbatean, Azaroak 17, Arrasateko txoko ezberdinetan musikaz gozatzeko aukera izan genuen. Ibai-Arte merkatarien elkarteak Azaro Musikala egitasmoa jarri du martxan eta honen baitan, Arrasate Musikaleko harizko-instrumentu jotzaileak kalera irten ziren merkataritza dinamizatzeko helburuarekin. Hiru taldetan banatuta Ibai-Arteko merkatarien denden aurrealdean jotzen aritu ziren.

Egia esan sorpresa bat izan zen niretzat larunbateko arratsalde hotz horretan kalean biolin hotsak entzutea, baina oso gogoko ditut horrelako gauzak eta pozik inguratu nintzen beraien musikaz gozatzera. Gainera Aramaioarrak zeuden musikari haien artean! Sara del Campo eta Nerea Uriarte ari ziren biolina jotzen, eta ederto gainera! Zorionak neskak eta jarraitu biolinarekin disfrutatzen!

 

ARAMAIO ETA BERGARAKO TRIKITIXA TALDEEN EMANALDIA

Azaroak 15, Ostirala, Aramaioko Kultur etxean trikitixa emanaldi berezi bat izango dugu. Bertan Aramaio eta Bergarako trikitilariak arituko dira kontzertu berezi bat ematen; denetarik entzuteko aukera izango dugu, Vendeta edo Mikel Urdangarinen abestiak adibidez, herriko trikitilari, gitar jole eta ahots zoragarrien eskutik.
Kontzertura joatea gomendatzen dizuet, gazteek izugarrizko lana egiten ari direlako eta oso emanaldi polita prestatzen ari direlako. Gainera eskertzekoa da Trikitixa elkartekoek , gazteek herrian musika tresna hau ikasteko aukera izateko egiten duten lan izugarria.
Kontzertuaren sarrera 2€ takoa da, eta Aramaioko tabernetan edo emanaldia hasi baino lehen kultur etxeko atean izango duzue salgai. Jasotako dirua Trikitixa elkartearentzako izango da eta herritarrak hor egon behar garela uste dut.
Kontzertua arratsaldeko 18:30etan izango da Kultur etxean, eta bukatzerakoan kalejira bat eginez plazaraino joango dira. Plazan Pintxo potea egongo da eta azken hilabetean saltzen ibili diren boletoen zozketa egingo da.
Beraz, Animatu eta etorri!!!

PAPARGORRI ABESBATZA: JUBILAUEN EGUNA 2013

Urriaren 26an ospatu genuen Aramaixon 2013ko Jubilatuen eguna. Oso egun berezia da herrian, herriko jubilatuak protagonistak bihurtzen direlako. Animali eta barazkien feria egoten da, herria postuez betetzen da, eta herriko talde ezberdinek jubilatuei eskeinitako ekintzak prestatzen dituzte.
Goizean meza izaten dute eta mezaren ondoren abesbatzaren emanaldia eta dantza taldearen ikuskizuna. Egunari bukaera polita emateko bazkaria izaten dute herriko frontoian.

Papargorri abesbatzaren emanaldiaren zatitxo bat jarriko dizuet bertan. Haurrek oso ondo pasatu zuten, asko disfrutatu zuten kantatzen eta emanaldi polita egin zuten. Nik oso pozik bukatu nuen haurren irrifarrak ikusita. Zorte handia daukat talde honekin lan egiteaz!!
Aupa neska mutilak eta gora Papargorri abesbatza!!

 

RIVER FLOWS IN YOU

Esandakoa! Pianorako "River flows in you" partitura. Animatu eta ikasi!!

River flows-in-you- from hegoihan

YIRUMA

Yiruma izenaren atzean Seul-en jaiotako Lee Ru-ma izeneko gaztea dugu. 1978.urtean jaio zen pianorako musika konposatzen duen musikari hau.
5 urterekin hasi zen pianoa ikasten bere etxean, eta 1988an Ingalterrara joan zen The Purcell School of Music famatuan musika ikasketak egitera. Musika erromantikoaz maiteminduta, Parisen beste konpositoreen itzalean ibili zen lanean.
Datu kuxkuxero bezala esango dizuet Miss Korea izandako emakumearekin dagoela ezkonduta.
Yiruma mundu guztian ezaguna den musikaria da eta bere lanak Asian, Estatu Batuetan eta Europan saltzen dira. Bere obra famatuenak "Kiss the Rain" "Love Me" eta "River flows in you" dira.

"River flows in you" obra oso ederra da, bertan jarriko dizuet Yirumaren interpretazio bat eta baita pianorako partitura bat , norbaitek ikastea nahi izan ezkero.

AMAREN ESKUAK

Niri asko gustatzen zait irakurtzea, eta liburutegian beti erdarazko liburuak hartzen nituela konturatuta, bi hilero behin euskarazko liburu bat irakurri behar nuela erabaki nuen. Egia da hasieran kosta egin zitzaidala, eskolako ohitura galduta neukan eta, baina gustuko liburuak aukeratu nituen eta engantxatu ere. Liburu horietako bat Karmele Jaio-ren AMAREN ESKUAK izan zen. Liburu ederra, oso goxo idatzia eta gainera gaur egungo gai bat jorratzen duena: Alzheimerra.
Orain pelikula batean aurkitu dezakezue historio hau eta esan didatenez merezi du ikustea. Musika ederra duela ere esan didatenez, bertan jartzen dizuet bideotxo pare bat zuek disfrutatzeko.

AMAREN ESKUAK pelikulan aurkituko duzuen musikaren zatitxo bat:

Pelikularen Trailerra ere jarriko dizuet:

1000 IKUSTALDI!!!

Gaur heldu naiz 1000 orri ikustaldietara!!! Mila esker danoi!!
Ikastaro batean eskatu zidaten blog bat martxan jartzeko, poliki poliki hasi nintzan niretzat berria zen mundo honetan eta begira! 1000ra heldu naiz!
Egunetik egunera musika atetxo hau hobetzen joatea da nire helburua eta badakizue! lan hori betetzeko zuen iradokizunak ere hartzen ditut kontuan!!!

Mila esker bereziki kalean informazioa ematen didazuen guztiei, nire Euskaltzaindiko adituai eta familixa guztiai!!!!

URRIAN OPERARA!!

Urrian bi opera zoragarriez gozatzeko aukera izango dugu inguru hauetan. Askotan Opera hitza entzuten dugunean, zerbait itxia eta elitista dela pentsatzen dugu. Ez gaude ohitutak musika mota hau entzutera eta astuna dela iruditzen zaigu. Blog honetatik animatzen zaituztet ikusmirak zabaltzera, operarekin disfrutatzera eta haurrei estilo hau gerturatzera. Berez antzerki zoragarriak dira, antzerki abestuak, eta jakin gabe, denok ezagutzen ditugu operen aria edo doinu famaturen bat. Oraindik gogoratzen naiz nire senarra bere lehenengo operara eraman nuenean, Bilboko Arriaga antzokian Pucciniren Turandot ikustera joan ginen eta azkenengo Aria entzun zuenean, telebistako anuntzioren batena zela adierazi zidanean.

Esan dizuedan bezala, urrian bi opera izango ditugu ikusgai. Biak Giusseppe Verdi-renak. Bilboko Euskalduna jauregian "Rigolleto" eskainiko  dute, Urriaren 19, 22,25, 28 eta 31ean hain zuzen. Informazio guztia euskalduna-ren web orrian aurkituko duzue.  EUSKALDUNA JAUREGIA

Opera hau hiru zatitan banatzen da eta Victor Hugoren Le Roi s'amuse  antzezlanean oinarrituta dago. Pasio, engainu, intzeztu eta mendekuari buruzko drama bat da, protagonista bezala Rigoletto duena, Mantuako dukerriko gorteko bufoi konkorduna.  Rigolettoren doinurik famatuena  "La donna e mobile" izango da duda gabe. Hona hemen Carlo Ventre tenoreak Montevideon egindako interpretazioa:

Aramaiotik gertuago, Arrasaten hain zuzen, Verdiren beste opera bat disfrutatzeko aukera izango dugu. Ozenki elkarteak "La Traviata" ekarriko du Amaia antzokira.

"La Traviata"(euskaraz galdua), Alexandre Dumas idazlearen Kamelien dama elaberrian oinarritua dago, 1853an Veneziako La Fenicen estreinatu zen, arrakastarik gabe, eta urte bete beranduago arrakasta izugarria izan zuen. Ez ohiko lan bat da Verdiren operen artean, lan honen izaera errealistagatik. Ez ditu gertakari historiko handiak kontatzen, Nabuccoren kasuan bezala, eta ez dago tragedietan oinarritua, baizik eta izaera intimistako drama psikologiko bat dela esan dezakegu.

Violeta Valery eta Alfredo Germonte protagonisten amodiozko historioa kontatzen digu opera honek. Opera honen doinurik famatuenetariko bat Brindisia izango da. Hona hemen Pavarotti Brindisi interpretatzen.

 

 

 

 

 

 

 

AMAIA ETA ENEKO

Aurreko ikasturteko bideoak oraindik blogera igo Gabe ditudala konturatu naiz. Hau Amaia da, 2012-2013 ikasturtean hasi zen zerotik pianoa eta solfeoa ikasten eta lan handia egin ondoren ikasturte bukaeran abestitxo hau grabatu nion.

 

Beste hau Eneko da, 2012-2013 ikasturtean hasi zen ere zerotik musika eta pianoa ikasten eta oso langilea da baita ere.



Animo eta jarraitu lanean, oso ondo zabiltzate eta!!

ESKERRIK ASKO ARAMAIXO!

Urriarekin batera nire proiektu berria jarri dut martxan. Ikasturte honetan musika ikasketak emango ditut Aramaixon; hizkuntza musikala, pianoa, musika hastapena...eta herriko gaztetxoen abesbatza eramateko aukera izango dut. Manexek gitarrako klaseak eta Julenek txistukoak emango ditu. Denon artean lan polita egitea espero dugu. Ilusioz eta gogoz beteta gatoz, umeekin gozatzeko eta gauza berriak egiteko irrikitan.
Mila esker, bihotzez, eman diguzuen konfidantzagatik, gure lanean sinisteagatik eta aukera honegatik!!

ANTTON ARAMBURU KONTZERTUA

Irailak 27, ostirala, gaueko 20:00etan beste kontzertu emanaldi bat egongo da Sastiñako ermitatxoan. Oraingoan Antton Aramburu eta Bakartiak etorriko dira gurera. Musikari lotua egon da betidanik Antton Arambururen bizitza. Gasteizen bizi den Busturiako musikari honek, azken bi urteak Euskal Herriko hainbat plaza eta antzokitan kontzertuak eskaintzen igaro ditu. Goraka diskotik ateratako Ametsez beteta abestiaren bideoa jartzen dut, bere musika ezagutzeko. Rocka, Folka, pop...ea gustatzen zaizuen!

PEDAGOGIA ETA HAUR ABESBATZEN DINAMIZAZIORAKO IKASTAROA

Urriak 12 eta 13an, Gasteizen ikastaro interesgarri bat egongo da Euskal Herriko Abesbatzen Elkarteak antolatuta. Eusko Jaurlaritzako Kultura sailak babestua eta Gasteizeko "Jesus Guridi" musika kontserbatorioaren laguntzarekin  antolatuta dago. Ikastaro hau, formazio mailan nahiz zuzendaritzakoan haur koruekin harremana duten 17 urtetik gorako pertsonei zuzenduta dago.
Irakaslea Basilio Astulez izango da, hainbat sari jaso dituen koraletako zuzendari gaztea. Leioako Kantika Korala izeneko haur koroaren sortzailea da, baita emakumez osaturiko La Kantoria izeneko Koru gaztearena.

Hona hemen La kantoria koruak  Basilioren zuzendaritzapean egindako emanaldi bat, David Azurzaren Tirikitrauki abesten. Disfrutatu!

EGUZKI TALDEARI OMENALDITXOA

Aurtengo San Martinetan jai batzordeak zein Udalak aho batez erabaki zuten txupinazoa bota eta pregoia irakurtzeko ardura Eguzki talde mitikoari uztea.

Eguzki erromeria taldeko Nicolas Gardoki soinu jole nekaezinaz akordatu ziren eta egindako lana eskertu gura izan zioten Gardokiri eta haren iloba diren Joxe eta Felixi.

Eguzki taldeak 50 urte baino gehiago egin zituen herriz herri, auzoz auzo, plazaz plaza, jaiak girotzen eta benetan merezita izan zuten omenalditxoa. Gainera herriko bertsolariek olerki bat prestatu zuten pregoiarekin batera herriak kantatzeko. Hona hemen abestiaren zati baten letra:

EGUZKI gure izena Aramaixon jaiotza

erromeriak dugu guk gure langintza

herririk herri beti kantari gabiltza

gazte ta nagusiari alaitzeko bihotza.

 

Hemen izango gara umore onarekin

ondo pasatu denok gure musikakin

tabernari ez ahaztu gure eztarriakin

ta zu neska polita etorri zaiz gurekin.

 

Agur gaztediari agur nagusiari

amaitutzera goaz ta ezkerrak denori

berriz izango gera zuentzat abeslari

deitu nahi dozunean EGUZKI taldeari.

 

 

DÉU N´HI DOren KONTZERTUA

Ostiralean, Irailak 13an, Deu n´H´ Hi Do Swing band-en kontzertua egongo da sastiñan, Vital Kutxaren udako programa kulturalaren barruan. Aurreko ostiraleko giroa ikusita, joan egin beharko!! Bideotxo bat aurkitu dut bere emanaldi batena, eta dantzara animatzen duen musika jotzen dute. Animatu eta etorri Aramaiora!!

EMANALDI HUNKIGARRIA

Musikaz musika blogean saltseatzen nenbilela bideo hau aurkitu nuen, eta benetan hunkituta utzi ninduen.

Wuppertal-en (Alemania), txundituta geratu ziren haur abesbatza baten kontzertura joan zirenak. Arrazoia, haurren ahotsen kalitateaz gain, emanaldian gertatu zen zerbait.

Haur abesbatza Tears For Tears taldearen Mad World abesten hasi zen, eta, bat-batean, taldeko haur batek abesbatza utzi eta kantatzeari utzi zion. Handik segundo gutxira beste batek berdina egin zuen, eta egoera errepikatu egin zen koruko haur bat bakarrik geratu zen arte. Egoera hartan, gertatzen ari zena azaleratu zen...

Bakarrik geratu zen haurrak datu bat eman zuen: "Hiru segundoan behin munduak haur bat galtzen du ekidin zitezkeen arrazoiengatik". Guztia Children's Fund gobernuz kanpoko erakundearen kontzientziazio-ekintza bat izan zen, Haurren Nazioarteko Eguna zela eta.

 

 

Bertsio originala Tears for Fears taldearena da, 1982.urtekoa.

JAZZ 4 JOY KONTZERTUA ARAMAION

Bihar Ostirala, Irailak 6, udako kontzertuak bueltatuko dira Aramaixora. Aramaioko udalaren eskutik iraileko ostiral guztietan kontzertu ezberdinak ikusteko eta disfrutatzeko aukera izango dugu Sastiñako ermitatxoan, herriko plazan. Oso emanaldi bereziak izaten dira; eguraldi txarrarekin ermita barruan izaten dira eta esan beharra dago lekuak oso akustika ona duela eta berezia egiten duela kontzertua. Euririk ez badu egiten, ermita aurrean izaten da eta jendea poteoan dabilen bitartean zuzeneko musikarekin gozatzeko aukera izaten du. Oso giro polita sortzen da plazan eta mundu guztiak disfrutatzen du emanaldiarekin.

Ostiral honetak, hilak 6an, JAZZ 4 JOY talde arabarra dator gurera. Hauen musika jazz, swimg, bossa eta bertsioez osatzen da. Kontzertua arratsaldeko 8retan izango da. Disfrutatzeko Jazz-a, publiko guztiarentzako egina, entzuteko eta gozatzeko, dastatzeko jazza!

LANG LANG BILBON

IZUGARRIA!!

 

BOSen eskutik, Lang Lang berriro izango da Euskalduna Jauregiko Auditoriumean, 2013ko urriaren 1ean, pianoko bakar-saio bikaina eskaintzeko, izan ere, Mozarten Sonatak eta Chopinen Baladak interpretatuko ditu errezitaldian.

Lang Lang txinatar piano-jotzailearen eragina musika klasikoa baino harago doa, eta interpretazio bikaintasuna, talentuaren garapena eta esfortzua bezalako kontzeptuetan mundu mailako erreferente bihurtu da. Lang Langek ez du bakarrik kontzertu aretoetan ibilbide meteorikoa garatu; bestelako alderdietan ere zeresan handia du, izan ere, UNICEFen eta Telefónica markaren enbaxadorea da; azken horrekin ekintza bateratuak garatzen ditu, konpromiso sozialaren, hezkuntzaren, kulturaren eta teknologiaren esparruetan.

EMELI SANDE

Eskozian jaiotako abeslari eta musikagilea, soul eta R&B estiloak jorratzen ditu, oso ongi gainera. Abesti hau bereziki gustatzen zait, bere ahotsa eta piano bat bakarrik entzuten direlako. Pianoko nire ikaslea den Sara Alonsok deskubritu zidan abesti hau eta momentu honetan tutorialak ikusi eta ikusi nabil partitura ateratzeko. Hemen kontzertu bateko bideo bat jartzen dizuet baina datorren ikasturtean Sararen bertsioa itsastea hitzematen dizuet!

TXIRULARAKO PARTITURAK

Aurtengo ikasturtean Hizkuntza musikaleko klaseetan txirula erabiliko dugu notak ezagutzeko. Link honetan WIXaren bitartez egin dudan bilketa bat aurkituko duzue.

http://arriolabengoala.wix.com/txirulara

OBJETUEN PERKUSIOAREKIN ERRITMOA LANTZEN

Aurtengo ikasturtean argi daukadan zerbait, umeek hizkuntza musikaleko klaseetan disfrutatu behar dutela da. Solfeo hitza entzun eta askok aurpegi txarra jartzen dute, aspergarria eta astuna egiten da askotan hizkuntza honen kodea ulertzeko materia ematea. Nire asmoa kode berezi hau ulertzeko bide berriak zabaltzea izango da. Ez dakit lortuko dudan, baina ahalegin guztiak egingo ditut nire ikasleek musika ikastearekin gozatu dezaten. Musikaren atalik garrantzitsuenetariko bat ERRITMOA da; nire ikasteko denboran diktaketa eta irakurketa erritmiko luze eta aspergarriekin ikasten genuen erritmoa barneratzen. Egia da beharrezkoak direla, baina helburu berdina lortzeko beste bide batzuk daudela pentsatzen dut. Datorren ikasturtean bideo honetan ikusiko duzuen antzeko zerbait egitea pentsatu dut. Erritmo sekuentzia bat, esku eta objetuen perkusioarekin lagunduta musikarekin batera jotzea.

TXELOAZ GOZATZEN

Badakizuenez, asko gustatzen zait musika tresnak era ezberdinetan entzutea, ez bakarrik orkestra baten barruan edo errepertorio klasiko bat interpretatzen.Ea hau gustatzen zaizuen.

EN VIVO JAIALDIA BILBON 2013

Abuztuaren 30ean eta 31n En Vivo jaialdia hartuko du Kobetamendik (Bilbo).
En Vivo jaialdirik rockero eta urbanoenetako bat da, eta horixe erakusten du bere kartelak, The Offspring, Within Temptation eta The Toy Dolls  taldeak nagusi izanik.  Lehen mailako taldeen zerrenda erreferentziazko veste izen batzuekin osatzen da, honakoekin, besteak veste: El Drogas, Berri Txarrak, Soziedad Alkoholika, Mago de Oz eta Shikari Sound System. Molotov eta Gallows taldeak jaialdian izango zirela jakinarazi zen arren, azkenean ezingo dute Bilbon jo, eta Rulo eta la Contrabanda, eta Reincidentes taldeak joko du haien ordez. 

Informazio gehiago lotura honetan aurkituko duzue:

http://www.envivofestival.com/

 

PARTITURA: BADIRA HIRU ASTE

Badira hiru aste from hegoihan

PENTAGRAMA ENEA 2

Hona hemen Pentagrama Enearen bigarren zatia. Ipuinaren bitartez musikaren lengoaiarekin (notazioarekin) hasteko modu aktibo eta erakargarria. Bideo honetan, LA (Laxaro Aitona), SI (Simon Sirrenajolea) eta RE (Repe Rokeroa) notak azalduko dira.

AINHOA ARTETA-REN KONTZERTUA OÑATIN

Donostiako 74. Musika Hamabostaldiaren barruan, Ainhoa Arteta soprano tolosarrak Oñatiko Arantzazuko Santutegian kontzertua eskeiniko du Abuztuaren 26an. Patxi Aizpiri pianistarekin batera arituko da.
Tolosan jaio zen eta New Yorkeko Metropolitan Opera National Council Auditions eta Pariseko Concours International de Voix d`Opera Plácido Domingo lehiaketak irabazi ondoren, oso karrera distiratsua hasi zuen. Opera handiak interpretatu izan ditu: La traviata, La Boheme, Romeo y Julieta, Fausto, Turandot....

Shumann, Strauss, Albéniz, Granados eta abarren obrak eskeiniko ditu aparteko errezitaldi honetan.

Ainhoa Artetaren ahotsa, Arantzazun aterpea hartzen duten natura eta artearekin uztartuko da.

Sarrerak erosteko klikatu lotura honetan

Sarrerak erosi

 

LA BELLA Y LA BESTIA MUSIKALA

La Bella y La bestia musikalaren bideotxo bat.

LA BELLA Y LA BESTIA MUSIKALA

Abuztuaren 23tik Irailaren 7arte, Bilboko Euskalduna Jauregian, "El Rey León" lan arrakastatsua ekoitzi zuen konpainia beraren eskutik, "La Bella y La Bestia" nazioarte mailan txalotuena izan den musikal hau ikusteko aukera izango duzue. 35 milioi ikusle baino gehiago hunkitu dira mundu osoan (nire semea eta ni barne), denboran irauten duen Disneyren klasiko handi honekin. Musikal miresgarri honek ikusleak maitemintzen ditu duen kalitate izugarriagatik, Broadwayko ekoizpen handi baten marko paregabean. "La Bella y la Bestia" lanak txunditu egiten ditu ikusleak, edertasuna barruan dagoela dioen mezu unibertsalean oinarritutako maitasunezko istorio xarmagarriarekin.

Ignasi Vidalek egiten du Piztiarena, eta Talia del Valek, berriz, Ederrarena; beraiek daude aktore-multzo bikainaren buruan, baina, horiez gain, Raúl Peñak Lefouren rola jokatzen du, eta Eurovision jaialdian parte hartu duen Daniel Digesek, berriz, Gastonen papera betetzen du. Dekoratu izugarriei, jantzi txundigarriei eta egia bihurtutako ipuinetako pertsonaiei esker, honako hau ikuskizun aparta da, imajinazioz, fantasiaz eta emozioz betea, eta, horrela, ikuslea sekula kontatu den istoriorik erromantikoenean murgilduko da. Disneyren inoizko filmik arrakastatsu eta sarituenetako batean oinarritutako lan honek, Alan Menkenen musika zoragarria (Menkenek bi Oscar irabazi ditu, abestirik onenagatik eta jatorrizko musikarik onenagatik) eta Tim Riceren hitzak ditu.

Sarreren prezioak 22€tik 60€ra doaz, musikalak 2:40orduko iraupena du 15 minutuko ekitaldiartea barne, eta kontuan izan 5 urte baino gutxiago dutenerentzat ez dela gomendagarria.
Nire semeak (6 urte zituen) eta nik asko disfrutatu genuen, musika zoragarria da eta muntaia apartekoa. Egia da Bestiak beldur piska bat ematen zuela baina   espektakulu bikaina izan zen. Sarrera garestitxoa den arren, merezi du .
Informazio guztia eta sarreren salmenta Euskalduna Jauregiaren web orrian daukazue.
http://www.euskalduna.net/agenda_detalle.asp?id_espectaculo=924&idioma=eu

ESCATUMBARARIBE

Erritmo jolas hau Brasilgo jolas tradizional bat da, hango haurrek jolasteko erabiltzen dutena. Haurrentzat erritmoa mantentzea ez da oso erraza. Mota hauetako jolasekin lan hau errazten da eta gainera izugarri ongi pasatzen dute. Datorren ikasturtean ikasiko dugun erritmo jolas bat izango da. Animatu ikastera!!

PAPARGORRI ABESBATZA: ARRATSALDE HONETAN

Aramaioko Papargorri abesbatza gazteak Ekainaren 28an kurtso bukaerako emanaldia eman zuen. Txikienek pozez bete zuten antzokia eta asko disfrutatu zuten. Datorren urtean ea gauza berriak egiten ditugun! Abesbatzarekin gozatu, ikasi eta laguntasuna sustatzea nahi dugu.

BIOLINAREKIN GOZATU!!

Umeek instrumentua aukeratzeko momentuan askotan ez dakite zer egin. Ez dute musika tresna guztiak ezagutzen, inguruan ikusten dituzten musika tresnek bakarrik pizten dute beraien interesa... Aholku bat: ahalegindu haurrek gero eta instrumentu gehien informazioa izan dezaten, Gaur egun errazagoa da internet bezalako baliabidearekin kontatzen dugulako. Ahalegindu instrumentua era ezberdinetan entzun dezan: orkestran, kamera laukotetan, rock emanaldietan.... aukera asko dituzue. Hona hemen gaur egun dauden biolinista onenetariko baten bideoa. LINDSEY STIRLING gaztea da (1986), estatu batuarra eta telebistako Talent Show bateko finalista izandakoa. Disfrutatu biolina jotzeko era berezi honekin!!

DONOSTIAKO MUSIKA HAMABOSTALDIA 2013 PROGRAMA

2013 urteko programaketa dauukazue hemen. Ongi begiratu, aukeratu eta disfrutatu!!!

DONOSTIAKO MUSIKA HAMABOSTALDIA 2013 from hegoihan

DONOSTIAKO MUSIKA HAMABOSTALDIA 2013

Donostiako Musika Hamabostaldia Espainiako musika klasikoko jaialdi zaharrenetakoa da eta beteranoetakoa Europan. 1939an sortu zen hiriko ostalari eta merkatarien kezka eta bultzadari esker, urte batzuk beranduago Nazioarteko Zinemaldia jaioko zen moduan, uda sasoiko eskaintza turistikoa aberasteko asmoz. Horretarako, XIX. eta XX. mendeen artean hirian zegoen musika tradizioaren lekukoa jaso zuten: Donostiako Orfeoiaren sorrera, Gran Kursaal Kasinoko orkestrak,   gerratik Victoria Eugenia Antzokian babesa aurkitu zuten europar artista handiak…


Jaialdiaren lehen aro arrakastatsuak 60ko hamarkadaren bukaeraraino iraun zuen, orduko istilu politikoek eta ohitura turistiko berriek kinka larrian utzi baitzuten Musika Hamabostaldia. 1979an Udalak hartu zuen jaialdiaren ardura eta pixkanaka suspertzen hasi zen, harik eta 1991ean sozietate kudeatzailea eratu arte, Donostiako Udalaren, Gipuzkoako Foru Aldundiaren eta Eusko Jaurlaritzaren parte-hartzearekin. Gaur egun, ikusleen babes handia du jaialdiak eta aretoak lepo betetzen dituzte. Ildo horretatik, Hamabostaldiaren 2.000 Lagunak ekimen honen zutabeetako bat dira, zalantzarik gabe.
Opera, balleta, orkestra sinfoniko handiak, ganbera talde txikiak, organo erromantikoa, abesbatzak, musikagile garaikideak, etorkizun oparoko bertako artistak, nazioarteko musikari apartak, haur ikuskizunak... denak du bere txokoa jaialdi honetan. Gainera, haren durundia Kursaal eta Victoria Eugenia egoitza nagusietatik harago entzuten da, Donostiako nahiz Gipuzkoako hainbat espazio paregabetara heltzen baita. 
 
Musika Hamabostaldiak heldutasuna erdietsi du eta horrek etorkizunari ilusioz, anbizioz eta irmotasunez begiratzeko aukera ematen dio.  Hala, jaialdiak publiko berriak bilatzeari ekin dio, musika klasikoko jaialdi guztiek duten erronkarekin bat eginez.

Zuen gustuko emanaldia aukeratu eta disfrutatzera!!!

BADIRA HIRU ASTE

Aramaion badago jendea musikarako sentsibilitate berezia duena. Edozein momentutan elkartu eta musikarekin gozatzen dutenak. Hona hemen ,San Juanetako Azkoaga auzoko kontzertuan abestu zuten abestiaren interpretazioa. Irati eta Amaia trikitia jotzen, Leire gitarra eta Idoia eta Sara perkusio eta ahotsetan. Disfrutatu gaztetxo hauekin!!

MIREN URBIETA

Miren Urbieta sopranoa Bilbao-Bizkaia Kantu leihaketaren finalean:

DAVID AZURZA

David Azurza-ren MANTXAKUN obra, berak zuzendua.

XXXI.KORU ZUZENDARITZA AKADEMIA (3)

Kurtsoan Ahots teknika ere landu dugu. David Azurza eta Miren Urbieta
 izan dira ahots teknikako irakasleak.

Kontratenor profesionala. Madrilgo Kontserbatorio nagusian Kantuko Goi-Mailako ikasketak burutu ditu ikasle libre moduan, eta kantu espezialitatean karrera-amaierako Ohorezko Saria lortu zuen, baita Lucrecia Arana aparteko saria ere. Peñaflorida Kapera (antzinako musika) nahiz KEA (musika garaikidea) ahots taldeetako abeslaria da. Hainbat opera garaikide estreinatu ditu bakarlari gisa estatuko agertoki garrantzitsuenetan. Gaur egun, koru zuzendaria eta ahots teknikako irakaslea da. Tailerrak eta ikastaroak ematen ditu estatuan nahiz nazioartean. Musikagile gisa egiten dituen obrak Oihu hau Musika zigilupean argitaratzen ditu.

Soprano donostiarra, irakasle-ikasketen diplomatura du Musika Hezkuntzan, klarineteko Gradu Profesionala du, eta baita Kantuko Goi-mailako gradua. Koru zuzendaritzako heziketa jaso du eta Euskal Herriko zenbait abesbatza zuzendu ditu. Hainbat maisuren klaseak jaso ditu: Isabel Monar, Jaime Aragall, Carlos Álvarez, Enedina Lloris, Ana Luisa Chova, Mirella Freni eta Montserrat Caballerenak hain zuzen. Estatu zein nazioarte mailako hainbat sari irabazi ditu, eta hainbat orkestrarekin abestu du bakarlari gisa. Gaur egun Kantuko irakasle titularra da Gasteizko Jesús Guridi Kontserbatorioan.




 

Esteban Urzelai

Donostiako Orfeoi gazteak Esteban Urzelai zuzendaritzapean:

XXXI.KORU ZUZENDARITZA AKADEMIA (2)

Bigarren mailako zuzendaria Esteban Urzelai izan da. Azkoitian jaio zen 1979an, Pianoko goi mailako ikasketak egin zituen Donostiako Kontserbatorioan, eta Koru Zuzendaritzakoak Euskal Herriko goi-mailako musika ikastegian, Musikenen, Gabriel Baltes maisuarekin. Oñatiko Ganbara abesbatzaren zuzendari izan zen 1996 eta 2009 urteen artean. 2004an Donostiako Orfeoiaren harroniaren zuzendaritza hartu zuen (Orfeoi Txikia eta Orfeoi Gaztea), eta Donostiako Orfeoiaren zuzendariorde da 2007 urteaz geroztik.



Hirugarren kurtsoko zuzendaria Stojan Kuret izan da. Triesten jaio zen eta Ljubljananko unibertsitatean lortu zuen zuzendaritzako titulua. Kuret maisuak emaitza bikainak lortu ditu bere ibilbidean orquestra zuzendari gisa. Ljubljana Unibertsitateko APZ Tone Tomsic abesbatzaren zuzendaria izan da hamar urtez. Sari ugari irabazi ditu koru horrekin, Vokalna akademija Ljubljana abesbatzarekin eta veste hainbat talderekin. Stojan Kuret sarritan gonbidatu dute nazioarteko hainbat mintegitan eskolak ematera. Nazioarteko hainbat leihaketatan parte hartu du epaimahaikide gisa. 2008an eratu zuten Ljubljanako Vokalna Akademia; Stojan Kuret izan zen sortzaileetako bat, eta gaur egun, bertako zuzendari artistikoa eta zuzendaria da.

XXXI. KORU ZUZENDARITZA AKADEMIA

Uztailak 9 tik 13 ra bitartean Bilbon izan naiz Koru zuzendaritzarako ikastaro bat egiten. Oso ikastaro berezia, gogorra exijentzia aldetik baina oso positiboa. Zuzendari baten lana zein den eta nola egin behar den azalduz gain, abesbatza baten gestioa nola egin behar den ere irakatsi digute. Ahots teknika landu dugu eta baita errepertorio bat nola eratu. Ikusten duzutenez, alderdi asko jorratu dituen formakuntza bat izan da. Kurtso bakoitzak irakasle edo zuzendari berezi bat izan du. Lehen kurtsorako Maite Oca izan dugu.
                                                                                                                                                                                       

Maite kantu, koru zuzendaritza eta pedagogiako formazioa du, eta espezialitate horietan lan egiten du. Xatz Eskifaia emakumezkoen abesbatza zuzentzen du eta hezkuntza eta musikarekin zerikusia duten hainbat entitatek antolatutako ikastaro eta mintegietan zuzendari gonbidatu gisa aritzen da.

PIANO MAN PARTITURA

Hemen doakizue Piano Man abestiaren partitura erraz bat.

Billy joel the pianoman from hegoihan

PIANO MAN

Nire ikasleen bideoekin jarraituz, Sara del Campok Piano Man abestiaren bertsio bat jotzen du oraingoan. Sara aurten animatu da pianoa ikastera eta denbora gutxian aurrerapauso handiak eman ditu. Bertsio hau ez da oso zaila, partitura ere blogean jarriko dut. Hortaz, animatu ikastera, oso abesti polita da eta!!

KAIXO! LIP DUB

2011-2012 Ikasturtean Aramaioko San Martin eskolak elkarbizitza sustatuz lip dub bat egin zuen. Bertan eskolako haur guztiek,irakasleek eta gurasoek hartu zuten parte. Oso dibertigarria izan zen, guztiok elkarrekin disfrutatzeko balioaz gain agurren garrantziaz erreparatu genuen. Urtz taldearen "Kaixo" abestia erabili zen Lip dub-a egiteko, baina azken estrofa bat gehitu zioten abestiari. Estrofa honen letra herriko bertsolaria den Xabier Igoak jarri zuen eta abestearen lana ahots zoragarria duen Maria Izagaren esku egon zen. Hona hemen!

SKINNY LOVE PARTITURA

Birdyren SKINNY LOVE baladaren partitura aurkezten dizuet. Pianoak akonpainamendua egiten du eta melodía veste instrumentu batek egin dezake. Piano jotzaileak ere abestu dezake. Erraza da ikasteko eta oso polita jotzeko!

Skinny love piano violin from hegoihan

SKINNY LOVE

BIRDY ren balada zoragarri honen akonpainamendua egiten du oraingoan Sarak.

PENTAGRAMA ENEA 1

Antton Jauregi eta Karmele Mugikak sortu zuten nota musikalak era ludiko, aktibo eta erakargarri batn bidez ikasteko ipuin zoragarri hau. Haurrek musika lengoaia ikasten hasteko oso aproposa da, noten izenak ikasten doazen bitartean, abestitxoak eta dantzak ere ikasiko dituzte. Nire ustez 5-6 eta 6-7 urteko haurrei zuzenduta dago, nahiz eta 4-5 urtekoekin lantzea posible den arren. Luzea denez, saio bat baino gehiago erabili behar dira nota guztiak ikusteko. Hona hemen lehenengo zatia, bertan Sol ikurra, Sol nota (Solferino alkatea)eta Mi nota (Mikel Milani)azalduko dira.

Nights in White Satin

Nire ikasleen interpretazioak azalduko dira blog honetan. Hasteko, Sara Alonsok THE MOODY BLUES-en "Nights in White Satin" klasikoa joko digu. Oso ondo Sara!! Jarraitu hórrela!!

ODA ALEGRIA

Pianorako partitura erraza, animatu eta ikasi!!

Oda Alegria from Amparo Naranjo Calderon

EL SITIO DE MI RECREO

Gaur Youtubera nire lehenengo bideoa igo dut eta hemen uzten dizuet. Antonio Vegaren El sitio de mi recreo abestiaren bertsioa pianorako da. Ea gustatzen zaizuen!

Aramaixo

Gure herria ezagutzeko modu egokia!!!

GOAZEN KOMUNERA!!

Ohitura onak ikasteko oso egokia den abestia. Ea gustatzen zaizuen!!

MIKEL URDANGARIN, GLOGSTERRA

AXURI BELTZA

Axuri beltza from hegoihan

BIXENTE GOIKOETXEA

BIXENTE GOIKOETXEA

Aramaion jaio zen 1854ko Apirilaren 5ean. Florentino Ugarte eta Benigno Aristegi, herriko organulariak, izan ziren bere lehen musika maisuak. Gasteizen batxilergo ikasketak egiten ari zela herrira bueltatzerakoan Sabas Amilbururekin BACH-en musika azteru eta landuko du. Arratsaldetan bere aitak ur hartzaileentzat zuen ostatuan pianoa jotzen du eta herriko musika maisuari abestaldea zuzentzen lagunduko dio.
Aita hil zitzaionean eta 34 urte zituela Valladolidera joko du apaiz ikasketak egitera. Apaizgai zela eta Tolosan Gorriti-rengatik eskolak hartu ondoren Valladolideko Katedralean irabazi zuen kapera-maisu lanpostua. Apaiztu ondoren hiri honetan emango ditu bere urteak eliz musika gaurkotzeko lanetan.
Goikoetxea izan zen XIX.mendean eliz musikaren berreskuratzaile nagusia. Obra asko konposatu zuen, denak religioso arloan sortuak. Bi euskal musikari, Bixente Goikoetxea eta Nemesio Otano, izango dira Espainiako eliz musikaren eragileak.
Benetan emankorra izan zen Goikoetxeak polifonía arloan burutu zuen eliz kutsuko musika-lana: "Missa in honorem Inmaculatae Conceptionis B.M.V.", "Christus Factus", "Ave Maria", "Salve", "Benedictus" eta beste zenbait meza eta motete.
Bixente 1916ko apirilaren 9an hil zen Valladoliden 62 urte zituela. Urte berean, urrian, Aramaioko udaletxeak eta Gasteizko apezpikuak omenaldia eskaini zioten eta bere jaiotetxean plaka bat jarri zuten idazpuru honekin:

"ementxe jaio zan jaun

argitsu elizmusikari bikain eta

elizgizon bioztsu

VIZENTE GOIKOETXEA ERRASTI

beronen adieslen gorespena.

Aramaion 1916ko urriaren 22an"

Atzera begirada bat

Aramaiok beti izan du musikarekin lotura handia, betidanik egon da herrian musika ikasteko nahia. Biztanlez herri txiki honek, eman ditu musikari ospetsuak. Nahiz eta garrantzitsuena Bixente Goikoetxea izan den baditugu, besteak veste, Sabin Salaberri Gasteizko "Jesús Guridi" Musika eskolan zuzendaria izandakoa eta Rafael Mendialdua Gasteizko Katedraleko musika-kaperako maisua eta apaiztegiko musika-arduradun ohia. Aipatu beharra dugu ere herriko abesbatza, zeinek Euskal Herriko toki askotan, Bixente Goikoetxea eta Sabin Salaberri-ren lanak jakitera ematen ari den. Ezin ahaztu ere ez, hain gertutik ukitzen nauen organujolea Floren Unzueta (osaba daukat), gaur egun Gasteizeko katedraleko organujole nagusia dena.

Flipatu!! Biolina, txeloa eta Kontrabaxua Beethoveen handia bersionatzen!!

HIZKUNTZA MUSIKALA

HIZKUNTZA MUSIKALA Oinarrizko maila 7 8 urte from hegoihan

AURKEZPENA

2013-2014 ikasturtean Aramaioko haur eta gazteei musika ikasketak ematea suertatu zait. Manex eta biok ibiliko gara Piano, Gitarra eta Musika hizkuntza ematen eta gure helburua, guztiok musikaz gozatzea izango da. Ea denon artean zerbait polita sortzen dugun!!
Blog honetan gure lana, gure herriko kultur eta musika ekimenen informazioa, musika baliabideak eta ikasleen ekarpen eta aurrerapenak azalduko dira.
Aurrera orduan eta LANERA!!!!